Er keglt - und die Olt werrd Schamanin!

Er keglt - und die Olt werrd Schamanin! Seitdem dass der Emma ihra Kinner ausn Haus sänn, iss ihr dess Leem dahamm awengla langwaalich worrn - und sie beschäfticht sich mit psichologischn Gedankn. Sie schleecht sich selber Kaddn, macht in ihrn Gaddn mit langsama Beweechunga Tai Chi, dass sogor die Veecherla ganz verschteert zern Zwitschern aufheern - und fährt am Wochnend oft nunter in Bayerischn Wold, wosa in der Neh von Zwiesl mit gleichgesinnta Weiwer an Kurs in ,,Bogenschießen - Meditation nach Robin Hood`` macht. Ihr Mo, der Werner, hält von seddn esoderischn Zeich net vill