Ko a Hund a Kiebitz werrn?

Mannsbilder, die wossn im Werrdshaus mitnanner Schofkobf schbilln, sänn eingdlich friedlicha Menschn. Heggsdns wenn amoll aner ban Bescheißn derwischd werrd, gibd’s Zunder – oder wenn sich zu die vier Schofkobfer a „Kiebitz“ mit an den Disch nosetzd und ban Zuschaua net die Guschn häld, sondern dauernd dazwischnwaafd, sich eimischd und olles besser wass. Manchsmoll werrd a „Kiebitz“ sogoa verdächdichd, dass’er net bloß zuschaud, sondern san Kumbl mit die Finger aweng geheima Zeichn gibd, damit’er dess Schbill gewinnd – und dann iss am Disch nadirlich der Deifl los.