Die Lore und der Manfred leem ineran schenn Haisla draußn am Schdadtrand – und seid die zwa oldn Leitla in Rendn sänn, hamm’sa nuch merra Freid an ihrn grußn Gaddn. Wenn’sa auf der Derrassn a Dässla Kaffee genießn und in ihr Baradies nei schaua, wo olles herrlich wächsd und bliehd, gedd ihna dess Herz auf. Ganz woss annersch sehng’sa ollerdings ban Bligg niiber zern Nachber, der woss neemdro vor zwa Johr a Haus gebaud hot und bloß an kahln Gaddn hot – außer zwa miggricha Gnaggerla-Bisch und aweng Groos woa nix zern sehng.