Weihnachdn iss fir die massdn Leit des schennsda Fessd vom ganzn Johr. Die ann freia sich in der Kerng iber die Gebuurd Christi und die annern iber die Gschenker undern Chrissbaam. Obber dann kumma die gfährlichn 14 Dooch vom Haalinga Amd bis Hochneijohr – und in denner zwa Wochn iss verbei mit „Friede, Freude, Eierkuchen“! In derra scheinbor friedlichn Zeid machn neemlich die Dämonen ihrn Generol-Angriff auf die Menschheid.
