„Jede Geburt ist ein archaisches Erlebnis“, soong die Bsycholoong – und maana dodermit olla dreia: dess Kind, woss zern erschdn Moll nooch Lufd schnabbd und bläägn ko, die Mudder und nadirlich aa na Vadder, der woss karz vor der Gebuurd – ofd sogoa middn im Greißsool – dermoßn under Schdress schdedd, dass ringsrum die annern na Eindrugg hamm, dass der Mo gleich na Leffl abgibd. Massdns brauchd dann der Vadder bei der Gebuurd von der Hebamm oder vom Doggder merra Beischdand wie Mudder und Kind. Manchsmoll gedd der Schdress fir die Mannsbilder scho lang vor der Gebuurd los – wie kerzlich aa ban Max.