Der Hugo und sei Olga sänn im Lauf von ihrn langa Leem olla zwa aweng ohrlich worrn – vor alln mit ihra Kobfbedeggunga. Ban Hugo hot jednfolls die glana Maggn ogfangd, wie er mit Midde 40 scho a Glatzn grichd hot – seitdem hot’er Dooch und Nachd a karierda Schiebermitzn auf san Deez. Net amoll in der Kerng oder im Deoder dudd’er die Bäddsch ro! Und sei Olda hot a gewissa Schwächn fir a Gloggn-hiidla aus Wollfilz, wo auf der rechdn Seidn ols Bliggfang a Feder voneran Goldfasan droschdeggd. Und woss bsondersch aufgfolln iss: Am Hugo seiner Ballonmitzn und an der Fraa ihrn Filzhiidla woan hiem und driem Ohrnglabbn dro, falls der Winder widder kold werrd!
Der Gerch Helm auf zum Gefechd!
Gert Böhm 04.02.2022 - 13:38 Uhr