Der Alois lebbd mit seiner Fraa ineran schenn Haus am Hofer Schdadtrand. Er heechd und bfleechd na Gaddn und freid sich wie a Schneekeenich, wenn im Sommer die Garkn und Radiesla, die gelm Ruum, die Domaadn und der Kobfsallod immer so subber wachsn. Und wenn im Haus moll a Diir oder a Fensder aweng glemmd, wenn der Wasserhahn drobfd oder am Waschbeggn der Abfluss verschdobfd iss – ols Heimwerker-Welldmassder rebbarierd der Alois olles gleich selber.