Bei uns Frangn k’heerd zeran gudn Fessd-Essn an Weihnachdn und Silvesder net bloß a gnusbricha Gans oder a Ennd, sondern aus older Dradizion aa der Karbfn – wemmer an die drei Schbeziolideedn bloß ner denkd, leffd ann in der Guschn gleich dess Wasser zamm. Obber mit die Karbfn hot‘s heier fei a Broblem geem - die woan neemlich net bloß deier, sondern aa gnabb! Und wer schuld dro woa, dass bei uns zer weng Karbfn geem hot, hamm die Fischzichder mit drauricha Gsichder scho vor Weihnachdn voraus gsochd: „Bei den Karpfen hat es große Verluste gegeben, weil sie in den Teichen von Fischottern und Kormoranen gefressen wurden“.