Der Manfred und sei Fraa woan im Wohnzimmer k'hoggd und hamm sich Kaffee und Kuhng schmeggn lossn. Undern Disch woa der Daggl "Waldi" geleeng - in der Hoffnung, dass fir ihn vom Guglhubf awengla woss abfälld. Aferamoll werchd darch die offna Derrassn-Diir die Katz ins Wohnzimmer rei - auf der wildn Jochd hinder ana glan Maus her. Dess verfolchda Maisla hot sich in seiner Doodesangsd im letzdn Momend undern Bicherschrank geredd, wo's vor der Katz sicher woa. Nooch derra karzn Aufreechung iss im Zimmer widder Ruh eigekehrd.