Grod etzad in der kaldn Winderzeid miss ma sein Körber abhärdn. Damid ma vo denna, die um dich rumrotzn und rumhusdn, ned ohgschdeggd wird! Gedd sowieso scho widder so a Gribbm rum. Ma solld sich scho widder impfm lossn, ober dodavo hod der Alfred die Schnauzn vull! Mid seina 65 Johr hodder scho jeda Schbritzn grichd, die‘s gibbd. Wecha jedn Scheißdregg zum Doggder renna dudder ned. Naa, der Alfred sorchd do nadierlich vor. Er gedd zwamoll die Wochn in die Sauna und härded sich ab. Und des scho seid beschdimmd zeh Johr.