Wemma sich die Energiepreise su ohschaut, na werd’s da echd blimmerand! Da Schdrombreis, des Heizöl und des Benzin fier’s Audo, do brauchsd scho fasd an Kleinkredit vo da Bank bei denna Summen. Ma miss sich ned wunnern, dass die Leit sich sura Balgonkraftwerk nobaua. Die schbrießn etzad scho wie die Schwamma im Herbsd ausm Budn. Des wor gloar, dass des Dema ah amoll bei da Hedwich und beim Paul am Essdisch zer Schbroch kumma is. Die zwa senn in Feilitzsch draußn daham in ihrm Haisla und ham an grußn Balgon auf da Südseidn.