Des menschlicha Bedürfnis, um des moll vorsichdich oder elegand auszudriggn, hossd ja ieberall a weng annersch. Wenn ma do vom „Wasserlossn“ red, sogn die Leit in unnera Region ofd amoll Bingln, Biesln, Schiffn oder – richdich einheimisch – Saang oder Brunzn derzu. Wennsd woannersch hie kummsd, dann hersd a scho moll Pipi oder Lulu machn, Ausdredn oder Uriniern. In an Wärdshaus ned weid vo Münchberg gibd’s am Männerglo nuch sura scho lang ausgschdormne Mechlichkeid, sei Noddurfd zu verrichdn. Die Red is vo aner Saachrinna.