Da Pfingsmondich in Hof is a berfeggder Dooch, um an Ausfluch zu machn. Und ah nuch, wenn die Sunna scheint und 28 Grad im Schattn senn. Also ungefähr 46 Grad in da Sunna. Und genau an dem Dooch hod sich da Gert gedacht: „Heid fohr ich mid meim Fohrrod naus und kaaf mir a scheens Pfingstschäufele.“ Um zehna isser losgfohrn mid seim Rädla, des wor ober ka E-Beik. Da Gert fährd immer nuch des olda Rädla vo seim Großvadder; damals hod ma gsochd: „Des hält fier’s Lebm!“ Drei Gäng hod der Drohtesl damals scho khabd. Da erschde is schwer ganga, da zweida nuch schwerer, und da dridde wor eigndlich bluß fürs Berchab-fohrn gedachd. Ober es ging scho mid da Fohrerei. Da Gert hod sich a bissla wie sura Rennrodbrofi gfühld, ah wenna under seim Saddl zwa Federn khabd hod, die bei jedem Huggl geknerzt ham.