Ma miss sich immer widder wunnern, wievill Bombm ausm Zweidn Weldgriech nuch gfunna wern. Wemma bedengd, wie lang des scho her is! Ober etzad is widder ahner zum Vorschein kumma, wie sa am Bohnhuf im Gleis gebuddld ham. Sundich Nommidoch a Aufruhr wecha surrana hisdorischn Fliecherbombm, fasd su schwer wie die Kugl vom Kuglbrunna in da Aldschdadd. Gleich is reagierd worn, mid Bolizei, Feierwehr, Rud-Kreiz, Kadasdrofnschutz und an Bombmendschärfer vom Kampfmiddlräumdiensd – die ham sa in München ohgrufn.