Des is scho lang her. Ende da siebzicher Johr hod da Hofer Blatzwart Norbert amoll am Vormiddooch gedacht, er sieht ned richdich. Wiea damals auf na Fußballblatz, in da Näh vom Theresienstein, kumma is, wie verschdeinert worra dohgschdandn. Do, wo normalerweis sei gepflechds Schbillfeld wor, des er jeda Wochn gmähd, gedüngd und mid vill Herzblut in Schuss gholdn hod, worn auf amoll mindesdens acht Maulwurfshaufm zu seng. Ihn häd fasd da Schloch gedroffn: „Wos is denn do bassiert?“