Wenn im Herbsd in Oberfranken die Schwamma rauskumma, gibd’s fier mancha Leit ka Haltn mehr. Su ah bam Erwin. Der wor nämlich a erfohrna Schwammasucher. Zumindest hodder des selber vo sich behauptet. Eierschwammala, Brauna, Rehpilze, Blaua und Schdapilz kennda. Sei glans Messerla hodder ah dabei, bluß an Korb ned. „Mid an Korb brauchsd gor ned erschd nei“, hodder seim Kumbl, na Bernd, erklärd, der mid ihm naus in na Wald is.