Den Helmut nenna sa scho seid der Schullzeit „Helm“, als Abkürzung fier sein Noma. Und wie’s hald so is, fährd er seid ungefehr zwa Monadn an Eleggdro-Roller, wu ma a an Helm drohng miss, und dazu hod er nuch a Lederkombi. Do sichda aus wie a Rogger. Braggdisch is des mim Roller scho, grod vo Eppenreuth in die Stadt zu fohrn. Billich is, und ma griggd immer an Bargblatz. Des Anziche is, dass der Helm an Helm drohng miss, obwohl er‘s ned mooch. Deshalb seddsd er den auf, wenner losfehrd und nimmd na erschd widder ab, wenner daham is. Des Nauf und Nunner mid dem Riema ums Kinn schdressd na nämlich.
