Wie da Matthias am Freidich tankn wor, hodder na Werner an der Tankschdelln gedroffn. Die zwa senn Ärberdskollegn. Do sieht da Werner die Breisdofln und schluggd: „Schau moll, da Schbrid is naufganga, ober wie! Schuld droh senn globale Krisn und die Schdeier! Hob ich in die Nochrichdn gherd.“ „Ober echt,“ sogd da Matthias, „die zieng etzad gscheid oh, des is nimmer normal. Ieber zwa Euro, do bludd fei mein Geldbeidl des Herz!“, schimpfd da Matthias.