Die Religiona, die grußn Weisheidslehrn und unner Bfarrer soong, dass’s in der Schebfung an gigandischn Riddmus gibd, der woss olles zammhäld. Die Schdern am Himml, die Radiesla im Gaddn, die vier Johreszeidn, der Danda Marri ihr Katz, dess Finanzamd, der Aldi und olles, woss lebbd und schderbd, hängd angeblich afera undurchschaubora Weis mitnanner zamm. Seid ewinga Zeidn versuhng die Wissnschafdler, dess geheimnisvulla Sysdeem zer erforschn, obber rechd vill gscheider sämmer fei net worrn.