Immer widder kosd‘s in da Zeidung lesn. Die Bandiddn schderm einfach ned aus. Jedsmoll widder brobiern sas mid erchadswelchn Driggs, die bravn Bürger iebern Disch za ziehn. Die Red is vo denna Delefonbedrüchern. Richdicha Bauernfänger, Blender und Schwindler. „Eigschberd ghern sa sich, ollasamd!“, schimpfd da Sascha, der scho verzich Johr in Jägersruh mid seina Nicole lebd. An an Samsdoch Nochmiddoch, wie‘s da Deifl so will, schelld sei Händy. Wie a nohganga is mid „Ja, hallo?“, schbrochd ahner ausm Hörer: „Hallo Opa, ich bin’s, dein Enkel!“