Kaum kummd a bissla die Sunna raus, blieha die Hofer auf, merra scho als die Blumma. Gestern nuch mid Winderjaggn, Mitzn und an Schal um na Hals, und heid – Sunnabrilln, dinner Jaggn und Halbschuh droh. Da Wolfgang is a su ahner: Wenn scho nur a halber Sunnaschdrohl am Himml sich zaggd, ziggd der karza Husn und a karzärmlichs Hemd oh, in da Hoffnung, dass ah warm is. Sei Fra schmimpfd jedsmoll: „Wolfgang, a Sunnaschdrohl machd fei nuch kann Summer. Zieh a Jaggn oh, es is immer nuch kald draußn, sunsd hullsd da nuch na Dod!“ Da Wolfgang herd do aber gor ned zu und leffd los. Hindn am Lettenbachsee vorbei, a grußa Tour nimmd er sich vor: „Wenn’s scho moll su schee is, miss ich naus!“