Die Leonie iss a flodds jungs Maadla – und wall’sa vor a boor Wochn nooch der be-schdandna Fiehrerschein-Briifung aa nuch im Sommer am Gymnasium a subber Abiduur hiegeleechd hot, woa in der Familie die Freid gruß. Der Obba hot ihr kerzlich vor lauder Schdolz an gebrauchdn Golf gschenkd. „Dess iss zwoa scho a olda Kissdn“, hot’er zer seiner Enkelin gsochd, „obber fir a Anfängerin genau richdich: Wennsd neemlich mit den oldn Golf ban riggwärrds eibarkn oder ineran enga Barkhaus amoll aweng wo oodotzd, iss dess net so schlimm wie miteran nooglneia Audo.“