Und widder is a haaßer Dooch im schenn Frankenwald, die Hitzeberiodn lässd einfach ned noch, und des nutzn die Leit aus, um ins Freibod oder annern See zu geh und sich abzerkühln. Bis aufm Roland, der miecherd lieber durch na schaddichn Wald wandern mid seiner Fra. „Wos willsd du“, frächd die Geli, „wandern? Bei derra Hitz, du hosd doch etzad scho an Hitzschloch!“ Der Roland is seid zwa Monadn Rendner und brauchd unbedingd a Beschäfdichung: „Wandern, Schatz, wasd scho: Ruggsagg, Brodzeid, schaddicher Waldwech, Bewechung an da frischn Lufd“, sogd da Roland, und seina Augn fungln gleich. „Du hosd echt an Schloch, Roland, anern suran Dooch wie heid bei 30 Grod geh ich lieber ins Freibad, do koh ich wengsdns mein Greislauf ins Wasser haldn.“