A bissla is scho her, des Wiesnfesd in Bad Steebm, wo da Theo und die Ingrid immer am Sunndoch no genga. Meisdns schbilld do a scheena Blosmusigg. Na hulld sich der Theo zuerschd amoll a boor Broodwerschd. Wie er se beschdelld hod, wolld die Verkeifera wissn, wos nauf soll. „An Sempfd nimm ich,“ hod da Theo gsogd, bezolld und dann senn sa alla zwa ins Bierzeld nei. Am Eingang hod sei Fra sich a Portion Kees kaafd. A do wolld der Verkeifer wissn, wos draaf soll. Salz und Pfeffer oder Paprika? „Paprika,“ hod die Ingrid gmand. Wie sa dann auf der Bierzeldbänk gsessn worn, is da Bierkellner kumma. Jeder hod a Radlamooß bestelld und dann hod die Musigg aufgschbilld. An „Böhmischen Traum“, des wor werglich schee.