Immer mehr Leit ham seit Corona widder des Kämbing entdeggd. Selber inna Urlaub fohrn, sei eigner Herr sa und die Seel baumln lossn. So häddn sich die Helga und da Günter vo Leimitz des vorgschdelld. Deshalb ham sa sich endlich ihrn Draum erfülld: An Wohnwong hom sa sich ohgschaffd! Wie der Caravan vorm Haus gschdandn wor, hod die Helga gschwärmd: „Des is fei etzad unner Luxus auf Rädern, Günter!“ Da Günter niggd schdolz und mahnd: „Scho, bluß hod des Ding merra Gnöpf als wie da Fernseng, und den bring ma scho ned gscheid oh.“