Fasd scho 40 Johr wohna die Anneliese und da Erich in an oldn Haus in da Wunsiedler Schdrossn in Hof. Jedn Sundichvormiddoch schdedd da Erich am Wohnzimmerfensder und schaud naus. Die Anneliese schdedd in der selbm Zeid am Küchenfensder und schaud ah naus. Des is so nochm Friehschdigg denner ihr Beschäfdigung, bis zum Middochessn kochn. Die schaua do naus, um die Neigier eizunehma. Do koh ma scho vill seng. Zum Beischbill fährd efders moll des Grangnaudo oder ma siehd a boor Schbaziergänger, die midn Hund genga. Aber vor allem an da Hausdier, do dudd sich scho einiges.