Da Harald – der is da Wärd – is grod mit vier frischa Seidla an na Schdammdisch kumma, und wie er ans nochm annern hiegschdellt hod, hodder gmahnd: „So Männer, lossd’s eich gud schmeckn – und schee beim Bier bleim, gell? Wall ab 2028 werd des annera Gsöff sowieso deirer, wecha derra Zuckerschdeier.“ Auf amoll wor’s muggsmeislaschdill am Disch. Nur da Walter hod karz gschnaufd, waller sich grod a Salzschdängla in die Goschn schiem wollt. Da Schdammdisch-Philosoph Heiner hod ganz langsam sei Brilln aufgsetzt – des machda immer, wenn’s Dema gfährlich werd.