Mei Nachbar, da Roland, is a richdicher Brodwärschd-Brofi. Die Grobm hulld er bei seim Metzger ums Eck, die Wärschd mit Kees bei an annern Metzger und die klassischn feina Hofer Brodwärschd dann beim driddn. Und da Roland mahnd sogoar, dasser scho beim Nozuzln ans rohe Brät rausschmeggn koh, welcha Maaster oder welcha Schdiffd desmoll die Füllmaschina bedient hod. Ich denk ja, des is awengla ieberdriem.