Zu Weihnachdn, do ghern ja scho im Vorfeld die ganzn Weihnachdsmärgd dazu. Ieberall baua sa Schdänd auf mid schee deggorierdn Holzhaisern. Lichderkeddn, griena Äsd und nadierlich die Lebkuhng, na Glühwein und nuch vill anersch Zeich. Seid a boor Johrna gibd‘s a so schbedziella Feiern, Moddo-Pardies sozusohng, wie die Glühweinpardy in Schwarzaboch Sool. Do rennara allo no, um die verschiedana Sordn zu brobiern und sich a bissla vo inna aufzuwärma. A boor Gunga aus Hof ham sich a gedachd, dass se do moll hiefohrn. Am besdn midm Zuch, wall ma dann ja an Becher mehra dringn ko, wenn ma nedd selber fohrn muss. Zu vert worn sa und ham sich am Hofer Bohnhuf gedroffn.