Ma kennd’s ja: In Hof oder ieberhabt bei Fesdla und Konzerte ieberoll gibd’s des Naturgsetz vom Ohschdelln. Links die Männer – beim Bierschausschank, und rechts die Weiber – beim Damen-WC. Ober neilich wor auf amoll die Welt kombledd verkehrtrum. Da Konrad wor auf surana Gala-Veranschdaldung in da Hofer Freiheitshalln, do senn ganz verschiedana Leit auf der Bina rumghupft. Ihm hod’s dichdich gfalln: a Haufn Gäst, a guda Schdimmung und kurzweilich wor’s ah, wall jeds bluß a verdl Schdund aufgedredn is – also moll nix zum rummotzn in Hof. Dann, wie immer, wor Bause.