Lade Login-Box.
zum Digital-Abo
Topthemen: 54. Hofer Filmtage75 Jahre FrankenpostCoronavirusJubiläumsgewinnspielBlitzerwarner

Hof

Hofer Spaziergänger

A Lussd-Molch auf der Seiser Alm?

Der Erwin und sei Gundi fohrn jeds Johr im Herbsd zern Berchwandern nooch Sidtirol - letzda Wochn woan’sa widder drundn.



A Lussd-Molch auf der Seiser Alm?
A Lussd-Molch auf der Seiser Alm?  

"Morng frieh mach’mer amoll nauf auf die Seiser Alm", hot der Erwin gsochd, "do droom gibt’s a scheena Rundwanderung - und hinderher loss’mer uns den beriehmdn Sidtiroler Schbegg schmeggn."

Also sänn’sa mit der Gondlbohn nauf auf die Seiser Alm gfohrn und losmarschierd: vornweg der Erwin mit der Wanderkaddn und dahinder die Gundi mit zwa Schdeggn, wall’sa weecher ihrer neia rechda Hifdn nuch aweng vorsichdich saa muss. Nooch drei Schdundn hamm’sa auf ihrn Rundkurs weid hindn am Horizond scho widder die Seiser Alm endeggd - und na Erwin iss gleich dess Wasser in der Guschn zammgeloffn. Obber erschd mussdn’sa nuch iber a sumbficha Wiesn laafn, und zwoa schee hinderernanner aferan schmoln Holz-Schdeech. Aferamoll sänn ihna von der annern Seidn hoch zer Ross zwa junga Maadla endgeeng kumma - etzerd iss fei eng worrn auf den glan Schdeech.

Der Erwin und sei Olda hamm sich ganz auf die Seidn hie gschdelld und na Bauch eigezoong, damit die zwa Haflinger problemlos iber den schmoln Holzschdeech geh kenna. Am Erwin woa dess erschda Bfeer aa gleich verbei, obber dann hot der Gaul der Gundi aweng an Drigger geem - und sie iss samsd Ruggsagg und ihra zwa Schdeggn riggwärts in die sumbficha Wiesn nei gfolln. Es hot an Bfladscher gedoo, dann hot sich die Gunda schnell aufgerabbld und woa widder aufm Schdeech gschdandn - do kam dess zweida Bfeer und hot mit san diggn Bauch ban Verbeigeh der Gundi nuch amoll an Schlenkerer geem, dass’sa gleich a zweids Moll in den Sumbf nei gschderzd iss. Wie a Maikeefer woa’sa aufm Buggl in den Maddsch drinna geleeng, hot mit Händ und Fieß ge-zabbld - und der Erwin mussd fei dichdich an die zwa Schdeggn ziehng, damit’er sei Olda aus den Schlamassl rausgebrachd hot.

Drinna in der urichn Werrds-Schdumm von der Seiser Alm hot die Gundi ollerdings nimmer an den schenn Sidtiroler Schbegg gedachd, sondern bloß nuch an ihra nassn Glamoddn. Aufm Glo hot’sa ihr Wanderhusn, dess Hemm und die Jaggn miteran Feen gedroggnd, obber die nassa Underhusn konnd’sa goa nimmer oziehng. "Ich bin wohrscheins die aanzicha Fraa, die woss heid ohne Underhusn auf der Seiser Alm rumleffd", hot’sa zern Erwin gsochd.

Aufn Hammweech in der warma Sonna hot dann der Erwin seiner Oldn ihrn Slib zern Droggna aufn san Ruggsagg naufgschpannd und fessdfgezurrd. Underwegs hamm fei die Wanderer ban Bligg auf san Ruggsagg ganz schee die Aang raus gedrehd, hamm aweng gegrinsd und sich wohrscheins ihra Gedankn gemachd. Obber aner hot na Erwin ban Verbeigeh griddisch ogschaud - und hot ziemlich laud zer san Kumbl neemdro gsochd: "Es wird immer schlimmer: Jetzt laufen die Lustmolche sogar schon im Hochgebirge herum und treiben ihr Unwesen schamlos und ohne Ehrfurcht mitten in der Bergwelt …" Gerch

—————

www.frankenpost.de

www.gert-boehm.de

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
23. 10. 2020
21:34 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Bligg Gerch Oktoberfest
Diesen Artikel teilen / ausdrucken


 
Mehr zum Thema
Der Nickl im Schdau auf der A 9

06.11.2020

Der Nickl im Schdau auf der A 9

Der Nickl und sei Olda hamm in Minchn Verwandta bsuchd - und am Sonndooch nooch na Middoochessn wolldn’sa mit ihrn VW Golf widder hamm nooch Hof fohrn. » mehr

Gleich zwamoll vom Blitz gedroffn

28.08.2020

Gleich zwamoll vom Blitz gedroffn

So schee in die letzdn Wochn dess sonnicha Wedder dahamm auf der Derrassn, am Untreusee oder im Biergaddn aa woa - die Gwidder amds und in der Nachd hamm’s fei in sich k’habd! » mehr

A Bahnfohrd iss fei woss Scheens

12.06.2020

A Bahnfohrd iss fei woss Scheens

Der Korl wohnd in Marktredwitz, ärberd obber seid ewich in Hof bei der Bahn. » mehr

A disgrimminierda Mo

22.11.2019

A disgrimminierda Mo

"Na - du older Ronchopath", hot letzda Wochn der Werrdshaus-Filosof Alfred zer san Kumbl Hans am Schdammdisch gsochd - und der wussd net, woss a "Ronchopath" iss. » mehr

A subber Sauna-Aufguss

31.10.2019

A subber Sauna-Aufguss

Jedn Diensdooch freia sich der Korl und seina Kumbl auf a boor gemeinsoma Schdundn in der schdädtischn Sauna. Die Schwitzerei iss net bloß geecher ihra Wambn guud, sondern verschaffd den Männern aa an seelischn Hochgenus... » mehr

A unheimlicher Einbrecher

20.11.2020

A unheimlicher Einbrecher

Der Willi iss zer frieh um dreia von der Schichd-Ärberd hamm kumma - und wall’er sich net gleich ins Bedd leeng wolld, hot’er nuch amoll na Fernseher eigschaldn: Basketball leif aus die USA woa dro! Der Willi hot sich gr... » mehr

Bildergalerie » zur Übersicht

Lkw kracht in Warnleitanhänger Berg/Bad Steben

A 9: Lkw kracht in Warnleitanhänger | 24.11.2020 Berg/Bad Steben
» 35 Bilder ansehen

Premierenfeier Theater Hof

Premierenfeier Theater Hof | 26.09.2020 Hof/Selb
» 14 Bilder ansehen

Selber Wölfe - EV Füssen 2:1 Selb

Selber Wölfe - EV Füssen 2:1 | 22.11.2020 Selb
» 42 Bilder ansehen

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
23. 10. 2020
21:34 Uhr



^