Lade Login-Box.
Topthemen: Bilder vom Wochenende30 Jahre GrenzöffnungBlitzerwarnerVER Selb

Hof

Hofer Spaziergänger

A subber Sauna-Aufguss

Jedn Diensdooch freia sich der Korl und seina Kumbl auf a boor gemeinsoma Schdundn in der schdädtischn Sauna. Die Schwitzerei iss net bloß geecher ihra Wambn guud, sondern verschaffd den Männern aa an seelischn Hochgenuss.



A subber Sauna-Aufguss
A subber Sauna-Aufguss  

Die aanzlna Saunagäng werrn reglrechd zelebrierd: Erschd hoggn die Mannsbilder zehn Minuddn lang auf der middlern Heh, dann fimf Minuddn auf der obersdn Bänk - und zum Schluss nuch fimf Minuddn auf der undersdn Reiha. Zwischndurch machd der schdädtischa Sauna-Massder immer an Aufguss - wechslweis mit Lavendl, Zirbe, Eikalybdus oder Latschnkiefer. Min Handduch wedld er den Dufd in jeds Egg, dass der Korl, seina Kamerdodn und die annern Gässd immer dess Gfiehl hamm, sie sänn im Baradies. Bei der anschließndn Schogg-Abkiehlung im eiskoldn Dauchbeggn bläkn’sa zwor olla wie die Gschdochna, obber nooch die Wechslbäder und under der warma Dusch fiehln’sa sich gleich widder wie im sibbdn Himml. Und zum Schluss kimmd fir na Korl und seina Kumbl der absoluda Hehebunkd: a gemeinsoma Brodzeid im Neemraum von der Sauna! Abwechslnd schbendierd neemlich jeder amoll an Kassdn Bier, verschiedna Wärschd, Laabla, Garkn und Sembfd - und dann sitzn der Korl und seina Freind im Adamskosdiim neber der Schwitz-Hiddn ineran glan Zimmer, und es gedd zu wie am Schdammdisch.

Online-Special

Viele Gerch-Geschichten gibt es im Internet unter

www.frankenpost.de

 

Kontakt zum Autor:

www.gert-boehm.de

 

Letzda Wochn woa der Korl an der Reiha. Er hot ban Metzger a kombledds Schlachdschissl-Essn beschdelld und olles ineran riesichn Dobf mit in die Sauna gebrachd - wassd scho: Schweinefleisch, Bluud- und Leberwärschd, Glees, Sauergraud und reichlich Sooß. In der Heilkunde bassn nadirlich aufn erschdn Bligg a gsunder Sauna-Gang und a fedda Schlachdschissl net unbedingd zamm, obber der Korl wass ols langjähricher Schdammdisch-Mysdigger ganz genau, dass der Weech zu an erfilldn Leem ofd verschlunga und geheimnisvull iss. Fir na Korl iss jednfolls die Verbindung von Sauna und Schlachdschissl ka Bleedsinn, sondern a echda kosmischa Verschmelzung. "Die Zusammenfiehrung von Sauna und Brodzeid bedadd neemlich", erglärd der Korl ols erfohrener Werrdshaus-Filosof, "dass bei meina Kumbl jedsmoll a boor Milliarden Gliggshormone ausgschidd werrn, die wossn dess Leem verbessern und verlängern." Er, der Korl, kennd angeblich auf der ganzn Welld ka zweids Medikamend, dess woss genauso wirksam iss wie dess schbiriduella "Einssein" von Sauna, Zoiglbier und Brodzeid. Fir ihn endschdedd durch die Kombinazion von feinschdofflichn Sauna-Gfiehl und grobschdofflicher Schlachdschissl a universala Einheid von Leib und Seele - genauer gsochd: a dranszendenter Zuschdand, wo der Mensch sogor aweng euforisch werrd. So vill zum Korl seiner esoderischn Kernschmelze - und etzerd widder zerrigg zur Realideed letzda Wochn.

 

Der Korl hot also am vergangena Diensdooch san Schlachdschissl-Dobf im Neemraum abgschdelld, und dann sänn’sa noocherernanner in die Sauna nei. Wie‘sa zwa Schdund schbeeder mit ihra drei Sauna-Gäng ferrdich woan, hot der Korl san schwern Dobf ausn Neemraum k’hulld, wall ja zum Essn olles aufgewärmd werrn mussd. Dessweecher iss der Korl schblidder-foser-naggerd mit san Schlachdschissl-Dobf in die vull besetzda Sauna-Hiddn nei gewaggld und hot dess geheimnisvulla Gfäß drinna aufn haaßn Ofn nauf gschdelld. Ringsrum hamm die naggerdn Mannsbilder und Weiwer gschaud wie die Aachhernla, wenns blitzd - und hamm sich neigierich iberleechd: Woss werrd dä in den Alu-Dobf fir a Aufguss drinna saa?! Obber es hot ka Minuddn gedauerd, dann woa dess Rädsl geleesd. In der Sauna iss neemlich a vellich neis, bisher unbekannds Aroma verschdreemd. Aferamoll hot’s nimmer nooch Lavendl oder Eikalybdus gerochn, sondern erschd aweng schwach, obber dann immer indensiver nooch Wellfleisch, Wärschd und Sauergraud. Die Naggerdn sänn wie auf der Fluchd aus der Sauna raus gewerchd. Bloß na Korl seina Kumbl hamm aweng gegrinsd - und hamm sich dann im Neemraum den geheimnisvulln Schlachdschissl-Aufguss miteran Zoigl-Bier dichdich schmeggn lossn … Gerch

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
31. 10. 2019
19:12 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Aufguss Bligg Gerch Sauna
Diesen Artikel teilen / ausdrucken


 
Mehr zum Thema
A disgrimminierda Mo

22.11.2019

A disgrimminierda Mo

"Na - du older Ronchopath", hot letzda Wochn der Werrdshaus-Filosof Alfred zer san Kumbl Hans am Schdammdisch gsochd - und der wussd net, woss a "Ronchopath" iss. » mehr

Der versauda Urlaub in Rimini

27.07.2019

Der versauda Urlaub in Rimini

Der Walter und sei Fraa, die Helga, fohrn seid 23 Johr jedn Sommer nooch Rimini - immer in die selba Bension direggd am Sandschdrand. Auf der Derrassn hamm die zwa Hofer immer na gleing Blatz vorn in der erschdn Reiha, w... » mehr

Erbflbrei in der Waschmaschina

12.04.2019

Erbflbrei in der Waschmaschina

Der Fritz und sei Marga hamm zu ihrer Goldna Hochzich die ganza bugglerda Verwandtschafd in ihr Haisla draußn am Voglheerd zern Essn eigeloodn. » mehr

Angriff aus der Schlachdschissl

08.03.2019

Angriff aus der Schlachdschissl

Eingdlich iss der Rudi a friedlicher Mensch, der woss sich so schnell net aus der Ruh bränga lässd. Obber letzda Wochn hot’er ineran Werrdshaus im Franknwold die Beherrschung verlorn. » mehr

Der Parkplatz "Oberer Anger" liegt direkt gegenüber vom Hof-Bad. Allerdings ist das Parken auf vier Stunden begrenzt. Foto: Thomas Neumann

03.12.2019

Ganztags baden - aber begrenzt parken

Wer einen Tag im Hof-Bad verbringen will, hat auf dem offiziellen Parkplatz gegenüber schlechte Karten: Die Höchstparkdauer beträgt nur vier Stunden. » mehr

Künftige Top-Attraktion in der Hof-Sauna: In der neuen Panorama-Sauna im ersten Stock kann man bei Kräuterduft und fantastischem Blick über das Außengelände schwitzen.

20.08.2019

Schwitzen mit Panoramablick oder frieren

In zwei Wochen endet die Sommerpause im Hof-Bad. Die Gäste dürfen sich auf Neuerungen freuen. Allein in den Sauna-Bereich sind 300.000 Euro geflossen. » mehr

Bildergalerie » zur Übersicht

Adventskonzert Dr.-Martin-Luther-Kirche Wüstenselbitz

Adventskonzert Dr.-Martin-Luther-Kirche Wüstenselbitz | 02.12.2019 Wüstenselbitz
» 7 Bilder ansehen

2000er-Party Susi Weißenstadt

2000er-Party Susi Weißenstadt | 30.11.2019 Weißenstadt
» 49 Bilder ansehen

ERC Bulls Sonthofen - Selber Wölfe

ERC Bulls Sonthofen - Selber Wölfe | 01.12.2019 Sonthofen
» 48 Bilder ansehen

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
31. 10. 2019
19:12 Uhr



^