Lade Login-Box.
zum Digital-Abo
Topthemen: Jubiläumsgewinnspiel "75 Jahre Frankenpost"WohnzimmerkunstBlitzerwarnerCoronavirus

Hof

Hofer Spaziergänger

Der Haalicha Geisd soll helfn

Der Albert iss mit seiner Elfriede scho seid 32 Johr verheierd. Die Kinner sänn längsd ausn Haus, die Schuldn auf den Siedlungshaisla sänn seid achd Johr zerrigg gezohld, und aufm Konndo lieng a scheens boa Gerschdla firn näggsdn Urlaub.



Der Haalicha Geisd soll helfn
Der Haalicha Geisd soll helfn  

Der Albert iss mit seiner Elfriede scho seid 32 Johr verheierd. Die Kinner sänn längsd ausn Haus, die Schuldn auf den Siedlungshaisla sänn seid achd Johr zerrigg gezohld, und aufm Konndo lieng a scheens boa Gerschdla firn näggsdn Urlaub. Obber im ehelichn Gligg hängd in letzder Zeid der Haus-Seeng ofd schief, wall - wie der Albert zer san Freind Klaus immer sochd - "mei Elfriede a goa so archa Schnebbern hot". Dass die Fraa foddner mit die Nachbern schdradd, dass’sa dauernd iber die Verwandtschafd herzichd, dass’sa im Kaffee-Gränzla immer dess großa Worrd fiehrd - dess olles schdeerd na Albert net. "Do bi ich ja nie selber dabei", sochd’er, "obber dass die Fraa dahamm ka Ruh gibd, machd mich verriggd".

Online-Special

Viele Gerch-Geschichten gibt es im Internet unter

www.frankenpost.de

Kontakt zum Autor:

www.gert-boehm.de

 

Der Albert iss a ruicher Kund, obber sei Elfriede brängd‘na zer Weißgluud. "Die Old scheichd mich von frieh bis nachd immerzu darch die Wohnung", hot‘er na Klaus sei Leid gegloochd, "boll soll ich Holz haggn, boll na Keller aufraama, moll soll ich die Dabeedn schdreing oder neia Badderien fir die Fernbedienung besorng - dauernd fälld ihr woss Neis ei! Und wenn ich net gleich schbring, nocherd schbreißld‘sa na ganzn Dooch rum, dass ich ihr am libbsdn na Groong rumdreha deed".

 

Na Klaus, der woss jedn Sonndooch brav in der Kerng hoggd, hot sei verzweiflder Kumbl richdich gedauerd - obber ols guder Chrisd iss’na gleich a subber Idee kumma. "Bfingsdn iss doch jeds Johr dess Fessd, wo der Haalicha Geisd zer die Menschn kimmd und Friedn auf Erdn brängd", hot’er sich anera Schdell in der Bibl erinnerd und na Albert san Bloon verrodn: "Vielleichd ko’mer do aweng noochhelfn, damit der Haalicha Geisd aa bei deiner Fraa eikehrd - doderfir mussd du hold aweng beedn." Der Albert hot sofodd seina Lauscher aufgschdelld. "Maansd du werglich, dass mei Olda in Zukumfd die Guschn hälld, wenn ich zern Haalinga Geisd beed?" Der Klaus hot geniggd. "Meeglich iss olles und ausgschlossn iss nix", hot’er gsochd - und dann hot’er in saubern Hochdeidsch nuch ann draaf gsetzd: "Der Heilige Geist nimmt sich jeder Schwachheit an."

Vorgesdern hot’mer na Albert a holba Schdund lang in der Kerng gsehng, wie’er drei Kerzn ogezundn und sich auf a Holzbänk nieder gegnied hot. Ob na Albert seina sehnsichdinga Gebeede erheerd werrn oder ob der Haalicha Geisd na Albert bloß ols niedrichn Gschäfdla-Macher endlarvd, werrd’mer nooch Bfingsdn erfohrn. Der Albert hot jednfolls hoha Erwarrdunga. "Wenn die Elfriede drotz meiner Gebeede zum Haalichn Geisd nooch die Feierdooch ihr Babbm immer nuch net hälld und mich dahamm weider rum scheichd und närrisch machd", hot der Albert zer san Freind Klaus gsochd, "dann hot mich fei die Kerng und der Haalicha Geisd fir immer und ewich gsehng..." Gerch

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
30. 05. 2020
00:00 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Gerch Heiliger Geist Urlaub und Ferien
Diesen Artikel teilen / ausdrucken


 
Mehr zum Thema
Zwa olda Waafn im Subbermarkd

03.07.2020

Zwa olda Waafn im Subbermarkd

Die Heidi iss mit ihra 76 Johr genau dess, woss die Hofer "a olda Waafn" haaßn. » mehr

Dess Händy im "Altkleider-Container"?

26.06.2020

Dess Händy im "Altkleider-Container"?

Der Leo und sei Fraa hamm letzdn Sonndooch min Audo aweng an Ausfluuch niiber nooch Thiringen gemachd. Driim in Schleiz endeggd der Leo aferamoll middn in der Schdadt an "Altkleider-Container". » mehr

Der Sinn voneran Gauma-Zäbfla

19.06.2020

Der Sinn voneran Gauma-Zäbfla

Der Rainer iss Renndner und hot in san Siedlungshaisla in Neihof vill Zeid, um iber Godd und die Welld noochzerdenkn. » mehr

Der versauda Urlaub in Rimini

27.07.2019

Der versauda Urlaub in Rimini

Der Walter und sei Fraa, die Helga, fohrn seid 23 Johr jedn Sommer nooch Rimini - immer in die selba Bension direggd am Sandschdrand. Auf der Derrassn hamm die zwa Hofer immer na gleing Blatz vorn in der erschdn Reiha, w... » mehr

A Bahnfohrd iss fei woss Scheens

12.06.2020

A Bahnfohrd iss fei woss Scheens

Der Korl wohnd in Marktredwitz, ärberd obber seid ewich in Hof bei der Bahn. » mehr

Der Franz und sei "Multitasking"

05.06.2020

Der Franz und sei "Multitasking"

Jeda Zeid, soong die Wissnschafdler, hot ihra schbezielln Grankerdn. Frieher hamm die Menschn under der Bessd, under Boggn und Siffillis geliddn - und heid machd der Schdress die Leit kabudd. Am schlimmsdn iss dess "Mult... » mehr

Bildergalerie » zur Übersicht

Komet "Neowise" über Oberfranken Bamberg

Komet "Neowise" über Oberfranken | 10.07.2020 Bamberg
» 4 Bilder ansehen

Mini-Stadtfest am Wochenmarkt in Rehau

Mini-Stadtfest in Rehau | 05.07.2020 Rehau
» 52 Bilder ansehen

20200516_143430

4. Bratwurstlauf 2020 |
» 17 Bilder ansehen

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
30. 05. 2020
00:00 Uhr



^
OK

Diese Webseite verwendet u.a. Cookies zur Analyse und Verbesserung der Webseite, zum Ausspielen personalisierter Anzeigen und zum Teilen von Artikeln in sozialen Netzwerken. Unter » Datenschutz erhalten Sie weitere Informationen und Möglichkeiten, diese Cookies auszuschalten.