Lade Login-Box.
Topthemen: Bilder vom Wochenende30 Jahre GrenzöffnungBlitzerwarnerVER Selb

Hof

Hofer Spaziergänger

Drama min Eikaafs-Kerbla

Der Emil woa scho immer a schborsamer Mo. Wenn’er olla holba Johr dahamm im Haus san Dachbodn und na Keller aufraamd und dess olda Geraffl aussordierd, nocherd schaud’er fei immer exdra scharf hie, ob do net ebber a scheena Andiquideed dabei iss.



Drama min Eikaafs-Kerbla
Drama min Eikaafs-Kerbla  

Der Emil woa scho immer a schborsamer Mo. Wenn’er olla holba Johr dahamm im Haus san Dachbodn und na Keller aufraamd und dess olda Geraffl aussordierd, nocherd schaud’er fei immer exdra scharf hie, ob do net ebber a scheena Andiquideed dabei iss. Und woss holbwegs aweng indressand aussichd, dudd’er gleich auf die Seidn - bis zern näggsdn Flohmarkd, wo er dann dess Zeich heggsdberseenlich verkaafd. Leider iss obber der Emil kerzlich mit seina Gschäfdla in ziemlicha Schwierichkeidn kumma.

Online-Special

Viele Gerch-Geschichten gibt es im Internet unter

www.frankenpost.de

www.gert-boehm.de

 

Wie neemlich sei Fraa vor drei Wochn weecher ihrn Rheimadismus afera Kur ganga iss, hot der Emil dahamm gleich widder sei grußa Aufraam-Agzion gemachd - und olles firn Flohmarkd zamm gerichd: a olda Kaffekanna, der Großmudder ihra ausrangschierdn Borzlan-Dässla, drei Engerla-Bilder fir ibersch Bedd, a olda brauna Doornkat-Flaschn - und an gflochdna Eikaafs-Korb. Der Emil iss mit den ganzn Grembl zum Flohmarkd in Rehau ganga - und kaum hot’er seina Preziosn ausgebaggd k’habd, iss scho a Fraa mit glänzicha Aang aufgedauchd und hot’na den gflochdna Eikaafs-Korb aus der Händ gerissn. "Ach Goodla, iss dess a scheens Kerbla", hot’sa gschwärmd und hot na Emil gleich zehn Euro in die Händ gedriggd.

 

Letzda Wochn iss na Emil sei Olda schmer zfrei und vuller Energie aus ihra Kur widder hamm kumma - und der Mo hot ihr gleich moll von san grußn Erfolch aufm Flohmarkd derzelld. Obber die Fraa hot die Händ ibern Kobf zamm gschloong. "Woss hossd du verkaafd - mei gflochdns Eikaafs-Kerbla? Bissd dä du verriggd?" Ihra Aang hamm ganz bees gfunkld, dass na Emil sofodd die Farb ausn Gsichd gewichn iss - er hädd in den Momend kan Drobfn Bluud mehr geem. "Dess Kerbla woa mei Lieblingsschdigg", hot sei Fraa gejammerd und hot ihrn Oldn ins Visier genumma. "Den Korb will ich widder hoom, sinsd loss ich mich scheidn", hot‘sa gedrohd.

Drei Dooch lang woa dahamm der Haus-Seeng schief k’hängd. Dann hot der Emil in der Frankenpost a Inserad aufgeem. "Ich bitte die Frau, die mir auf dem Rehauer Flohmarkt den geflochtenen Einkaufskorb abgekauft hat, den Korb wieder zurückzugeben, weil sonst meine Ehe auf dem Spiel steht", hot’er in dess Inserad nei gschriem - und werglich: Die fremma Fraa hot sich gemeld und hot na Emil dess Kerbla aus lauder Barmherzichkeid widder zerrigg gebrachd. Ob ihr der Emil die zehn Euro zerrigg geem hot oder ob’er exdra nuch a Drinkgeld zohln mussd, iss net bekannd. Obber die Ehe iss geredd - aufm Flohmarkd siggsd na Emil ollerdings so schnell nimmer ... Gerch

Autor

Redaktion
Kontakt zum Autor

Veröffentlicht am:
08. 11. 2019
19:28 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Ehe Gerch Internet Kuren
Diesen Artikel teilen / ausdrucken


 
Mehr zum Thema
Der Horst und sei "Trennkost"

18.10.2019

Der Horst und sei "Trennkost"

Mir Oberfrankn hamm fei a schwers Leem! Von Juni bis Ende Sommer miss’mer uns auf die villn Wiesnfessdla rumdreim, missn ganza Berch vuller Brodwärschd verdriggn und wer-wass-wie-vill Mooß Bier neizwänga, dann kimmd glei... » mehr

Männer - Vorsichd mit Bärlauch!

10.05.2019

Männer - Vorsichd mit Bärlauch!

Im Gaddn, in die Wälder und auf feichda Wiesn wachsn etzerd gleichzeidich der Bärlauch und die Maigleggla, obber wehe du verwechslsd’sa! Wall neemlich der Bärlauch gud iss - und die Maigleggla sänn gifdich. » mehr

Dess Wunner min "Lampi"

15.11.2019

Dess Wunner min "Lampi"

A guda Nachberschafd iss mit Geld net zer bezohln. » mehr

Schuld woa der Marder!

13.07.2018

Schuld woa der Marder!

Der Edwin und sei Erika sänn seit 32 Johr gligglich verheierd. Bloß wenn'sa mitnanner im Audo hoggn, iss mit der Harmonie verbei - dann kimmd fei sogor ihr Ehe in Gfohr. » mehr

A subber Sauna-Aufguss

31.10.2019

A subber Sauna-Aufguss

Jedn Diensdooch freia sich der Korl und seina Kumbl auf a boor gemeinsoma Schdundn in der schdädtischn Sauna. Die Schwitzerei iss net bloß geecher ihra Wambn guud, sondern verschaffd den Männern aa an seelischn Hochgenus... » mehr

Bfefferminz-Dee iss gud firsch Herz!

25.10.2019

Bfefferminz-Dee iss gud firsch Herz!

Der Leo und sei Christl drinkn fir ihr Leem gern an Bohnakaffee - am libbsdn so schdark, dass sogor die Flieng abschderzn, wenn‘sa iber der Dassn rum graasln. » mehr

Bildergalerie » zur Übersicht

Die Turbine leuchtet in Kulmbach Kulmbach

Kulmbacher Turbinenhaus | 16.11.2019 Kulmbach
» 17 Bilder ansehen

Susis Blaulichtparty Weißenstadt

Susis Blaulichtparty | 16.11.2019 Weißenstadt
» 47 Bilder ansehen

SC Riessersee - Selber Wölfe 4:1 Garmisch-Partenkirchen

SC Riessersee - Selber Wölfe 4:1 | 17.11.2019 Garmisch-Partenkirchen
» 29 Bilder ansehen

Autor

Redaktion

Kontakt zum Autor

Veröffentlicht am:
08. 11. 2019
19:28 Uhr



^