Lade Login-Box.
zum Digital-Abo
Topthemen: Jubiläumsgewinnspiel "75 Jahre Frankenpost"WohnzimmerkunstBlitzerwarnerCoronavirus

Hof

Hofer Spaziergänger

Zwelf Schaufeln fir a winzichs Erdloch

Der Heiner lebbd mit seiner Fraa, na Sohn Hans und na Obba ineran Reihahaisla am Schdadtrand. Dess sonnicha Wedder letzda Wochn hot na Vadder auf a guda Idee gebrachd.



"Mir baua draußn in unnern Gaddn a glans Deichla nei, zwa moll zwa Meeder. Es iss doch schee romandisch, wemmer im Sommer amds aweng am Wasser grilln", hot der Heiner gschwärmd - und hot sofodd Neegl mit Kebf gemachd: "Mir groom gleich am Wochnend neber der Derrassn a Loch und kaafn so a ‚Fertig-Teichwanne’ aus Blasdigg, die setz’mer in die ausgschauflda Gruum nei - dess sichd schee aus und iss wasserdichd, dann verreggn die Goldfischla net." Olla woan’sa begeisderd. "Vadder", hot der zwanzichjähricha Hans san Babba gelobbd, "dess iss die bessda Idee, wossd in dan Leem k’habd hossd."

Der Obba hot sich dann sofodd in Schubfn nei gschlichn und hot noochgschaud, ob der Biggl und die drei Schaufln in Ordnung sänn, damit die Ärberd gscheid gemacht werrn ko. Und wall die ganzn Gerädschafdn ziemlich zammgerossd woan, hot’sa der Obba gleich mit nauf in sei Zimmer gschlaafd: Die Eisndaaler hot’er mit Aggubaz und Schmirglbabbier vom Rossd befreid - und die dreggerdn Holzgriff hot’er mit ana Lasur eigelossn. "Do werrn’sa sich freia, wenn’sa zum Ärbern so saubersch Handwerkszeich grieng", hot der Obba gschdrohld.

Inzwischn iss obber aa der Vadder in Sch ubfn nei ganga und hot sich gewunnerd, dass kana Schaufln mehr do woan. "Dess olda Glumb hot wohrscheins die Fraa weggschmissn", hot’er sich gedachd, "do kaaf ich heid gleich nooch Feieramd im Baumarkd drei neia Schaufln und an Biggl." Dieselba Idee hot a Schdund schbeeder aa der Sohn Hans k’habd, wie’er bei san Kondrollgang im Schubfn kana Schaufln endeggd hot - und dann hot sich die Mudder am Noochmiddooch aa nuch endschlossn, dass sa drei neia Schaufln und an neia Biggl ban OBI kaafn muss, wall nix mehr do woa. Ohne dass also aaner vom annern woss gewussd hot, hamm der Vadder, der Hans und die Mudder amds jeder drei neia Schaufln und an nooglneia Biggl in den finsdern Schubfn neigeleechd. Auf zerletzd hot dann aa nuch der Obba in der Finsternis na Biggl und die drei subber gereinichdn Schaufln, die wossn ausgschaud hamm wie nei, aus san Zimmer nunder in den oldn Schubfn gschlebbd und olles neber die Diir hii gelahnd. Im Kegl von seiner Daschnlambn hot’er etzerd ollerdings zer seiner Iberraschung neun weidera Schaufln und drei Biggl gsehng - und es iss ihn darch san Kobf gschossn: "Do hot der Hans beschdimmd seina Fußball-Kumbl vo der Altherren-Mannschaft zammgedrommld, damit’sa morng ban Erdaushub helfn."

Ganz geheier iss na sei Idee doch net vorkumma, dessweecher iss’er gleich moll in die Kichn ganga und hot die annern gfrochd, ob dess net aweng zer vill Aufwand fir so a glans Erdloch iss. "Etzerd lieng zwelf Schaufln und vier Biggl im Schubfn drinna", hot der Obba gsochd, "do loodschn sich doch die Helfer geengseidich auf die Fiiß nauf, wemmer morng die Erdn fir dess Deichla ausheem. Wer iss denn auf a sedda Schnabbs-Idee kumma?" Dann hot der Obba aweng gegrinsd. "Etzerd sämmer fei ausgerissd wie a middlera Baufirma", hot er gsochd, "do kenna’ma fei nuch vill Deichla baua." Und jedn woa kloa: Ohne gscheida Bloonung iss sogoa a winzigs Deichla a deira Invesdizion ... Gerch

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
24. 04. 2020
19:34 Uhr

Für »Meine Themen« verfügbare Schlagworte

zu Meine Themen hinzufügen

Hinzufügen

Schlagwort zu
Meine Themen

zu Meine Themen hinzufügen

Hinzufügen

Sie haben bereits von 15 Themen gewählt

Bearbeiten

Sie verfolgen dieses Thema bereits

Entfernen

Für die Nutzung von "Meine Themen" ist ihr Einverständnis zur Datenspeicherung nötig.

Weiter
Gerch Ideen Söhne
Diesen Artikel teilen / ausdrucken


 
Mehr zum Thema
Zwa olda Waafn im Subbermarkd

vor 22 Stunden

Zwa olda Waafn im Subbermarkd

Die Heidi iss mit ihra 76 Johr genau dess, woss die Hofer "a olda Waafn" haaßn. » mehr

Dess Händy im "Altkleider-Container"?

26.06.2020

Dess Händy im "Altkleider-Container"?

Der Leo und sei Fraa hamm letzdn Sonndooch min Audo aweng an Ausfluuch niiber nooch Thiringen gemachd. Driim in Schleiz endeggd der Leo aferamoll middn in der Schdadt an "Altkleider-Container". » mehr

Der Sinn voneran Gauma-Zäbfla

19.06.2020

Der Sinn voneran Gauma-Zäbfla

Der Rainer iss Renndner und hot in san Siedlungshaisla in Neihof vill Zeid, um iber Godd und die Welld noochzerdenkn. » mehr

A Bahnfohrd iss fei woss Scheens

12.06.2020

A Bahnfohrd iss fei woss Scheens

Der Korl wohnd in Marktredwitz, ärberd obber seid ewich in Hof bei der Bahn. » mehr

Der Franz und sei "Multitasking"

05.06.2020

Der Franz und sei "Multitasking"

Jeda Zeid, soong die Wissnschafdler, hot ihra schbezielln Grankerdn. Frieher hamm die Menschn under der Bessd, under Boggn und Siffillis geliddn - und heid machd der Schdress die Leit kabudd. Am schlimmsdn iss dess "Mult... » mehr

Der Haalicha Geisd soll helfn

30.05.2020

Der Haalicha Geisd soll helfn

Der Albert iss mit seiner Elfriede scho seid 32 Johr verheierd. Die Kinner sänn längsd ausn Haus, die Schuldn auf den Siedlungshaisla sänn seid achd Johr zerrigg gezohld, und aufm Konndo lieng a scheens boa Gerschdla fir... » mehr

Bildergalerie » zur Übersicht

Aktion von "Fridays for Future" am Kugelbrunnen in Hof Hof

Aktion von "Fridays for Future" in Hof | 03.07.2020 Hof
» 16 Bilder ansehen

Konzert in der Filzfabrik

Konzert in der Hofer Filzfabrik | 20.06.2020 Hof
» 37 Bilder ansehen

20200516_143430

4. Bratwurstlauf 2020 |
» 17 Bilder ansehen

Autor
Gert Böhm

Gert Böhm

Kontakt zum Autor

Autor zu »Meine Themen« hinzufügen

Veröffentlicht am:
24. 04. 2020
19:34 Uhr



^
OK

Diese Webseite verwendet u.a. Cookies zur Analyse und Verbesserung der Webseite, zum Ausspielen personalisierter Anzeigen und zum Teilen von Artikeln in sozialen Netzwerken. Unter » Datenschutz erhalten Sie weitere Informationen und Möglichkeiten, diese Cookies auszuschalten.