Frieher sänn an Weihnachdn immer aa die erwachsna Kinner mit ihrn Familien, die wossn olla weid weg wohna, aferan Bsuch in die olda Haamed kumma - obber die hamm heier lieber moll an Schi-Urlaub in Tirol gemachd. Na Rudi und seiner Fraa woa dess fei goa net unrechd - so konndn'sa neemlich dess Weihnachds-Fessd amoll in oller Ruh genießn, ohne dess Gewerch mit die Kinner und Enkerla, wo im ganzn Haus dauernd der Deifl los woa.
