Der Rudi hot frieher ban Finanzamt 20 Johr lang ols "Steuerprüfer" gärberd - den konnd kaner woss vormachn! Wenn sich der Rudi bei ana Firma zur Briifung ogemeld hot, iss ban Scheff sofodd der Schwaaß ausgebrochn und der Finanzbuchhalter hot 180 Bludrugg grichd. Wall der Rudi bei seiner Ärberd immer verdraulicha Firmen-Dokumente dabei hamm mussd, hot'er sich sellmoll an schwarzn Aggdnkoffer aus feina Ledder kaafd - miteran Zahlnschloss, damit ka Fremmer in die geheima Babbiere rum schniffln konnd. Die Zohlnkombinazion hot bloß der Rudi gewussd.