Der Hans woa scho immer a schborsamer Mo. Wenn'er olla holba Johr dahamm im Haus san Bodn und na Keller aufraamd und dess olda Gerimbl aussordierd, nocherd schaud'er fei immer exdra scharf hie, ob do net ebber Andiquideedn dabei sänn. Und woss holbwegs aweng indressand aussichd, dudd'er gleich auf die Seitn - bis zern näggsdn Flohmarkd, wo er dann dess Zeich heggsdberseenlich verkaafd. Leider iss'er obber kerzlich mit seina Gschäfds-Idee in ziemlicha Schwierichkeidn kumma.
