Heidzadooch is ja auf denna Audobanen so fill los, dass ma scho mindesdns ahne bis zwa Schdundn eher losfoarn solld, um rechzeidich ozakumma. Wie bei so Aussndiensdler, die ihra Dermine eiholdn missn. Des senn scho arma Hund. Der Erich is so aana, der feerd jedn Dooch die A9 rauf und runder. Neilich worra Richdung Nemmberch underwegs und is hinder Troggau full in an Schdau neikumma. Des woa etz aber ned so schlimm, wal er vom Schdau aus scho den Rasdblatz vo da Frängischn seng kunnd. Do isser dann glei rausgfoarn, und des woa scho fasd braggdisch, wal der Erich eh amoll am Abbodd musd.