Dass am Friedhof ruich zugedd, kosd vergessn. Die Wochn ieber mochs ja geh. Bluus am Freidich, do ieberschlächd sich’s. Wenns huch kummd, sän do scho moll bis zu drei Leichn an dem Dooch. Do langd der Bargbladds gor ned aus. Ma glabbd fasd, dass Freidoch mehra gschdorm werd als an an annern Dooch. A Kumma und a Geh is des. Zwohr is beim Geh ahner wenger, aber des fälld ned auf. Dann nuch die ganzn Leit, die Blumma, Gschdegge und a frischa Erdn bringa. Mancha fohrn mid an Dransbodder vor und loodn a halbe Gärdnerei aus.