Die verheierdn Mannsbilder leem ja immer in der grußn Gfohr, dass’sa na Hochzich-Dooch vergessn! Ineran seddn Foll gedd der Zirkus scho ban Friehschdigg los: Die Fraa hoggd vor ihrn Kaffee und zichd a Fleddschn, wall’sa kana Blummer grichd hot und na Disch wie olla Dooch selber deggn mussd – ka Werrdla werrd gschbrochn, die Schdimmung iss brenzlich. Aweng schbeeder brichd dann iber ihrn Mo a Gwidder rei, dass der arma Deifl in kan Schlabbn mehr neibassd.
