Am Kalenner wor in zwa Dooch des Dadum eigegringld und a Herzla daneba gmolld. Wos des widder hasn solld, wussd da Max nimma, als er beim Middochessn hie’gschaud had. Er had gegriebld und gegriebld, aber s’wolld ihm einfach ned eifalln. „Wos kennd des gwesn sa? Iebermorng wär’s ja scho, und bis dohie is dann villeichd ah scho zaschbeed, wemma wos zu organisiern oder zu besorng had, am enda wemma ercherz an ohrufn oder Bescheid gehm solld“, hadd’er fier sich so gedachd.