Jedn Samsdich muss da Herbert des Aldbabier ferfohrn und die Flaschn ferdrong. Des haasd zum ann, des Aldgloss endsorgn, und zum annern nuch die Pfandflaschn abgeem. Midn Babier und dem Gloszeich had sichs ohgebodn, naus na Silberberch zu fohrn, do draussn am Werdstoffhuf nehma sa neemlich alles umasunsd. Mussd dei Zeich hald schee in die richdichn Kondeena schmeißn, dass schee zambassd. Glos zu Glos, Babier zu Babier und so weider. Muss ma scho genau machen, sinsd kimmd da „Scherriff“ und weisd dich ei. Da Herbert had alles richdich neikhaud und is glei weider zu suran Leergudaudomadn gfohrn, dasser seina Blasdiggflaschn losbringd. Do leechsd dann deina Behelder nei in des Loch, dann feerd die Flaschn – oder Biggsn genga ah – ninda. Und nocherd heersd an dumfm Schlooch, dann werd die leera Hülln zamgschdamfd.