Der Sebb will seina Kolleegn auf jedn Fall underschdidzn, ah wenner scho seid ieber 20 Johr nimmer in der Landwärdschafd ärbern dud. „Wenn die olla nausforn, mach iech do mid!“, sogd’er und laafd nieber inna aldn Schdall, wo nuch sei older Fendt Baujohr 66 hindn im Egg drinna schdedd. A Farmer-2D-Düb, mid ahner fesdn Kabina und am Dächla mid ahna Frondscheim. Bluus hindn pfeiffds nei – do is ka Schuz dro. Ober do miss ma sich hold awengla warm ohzieng.