Anam Wochenend hod der Heinrich sein fünfjährichn Engl verschbrochen, an Schdreifzuch durch a Möbelhaus zu machen. Bingdlich um elfa hod der Oba sein Gliggsbringa, wia ihn nennd, abghulld. Wie hald die Gunga in dem Alder so sän, is der ah a glaner Werchdeifl, langd alles oh, schbringd iberall draaf und horchd hald a ned auf. Ober der Heinrich hod des scho gud im Griff. Allerdings isses manchmoll ka Wunner wenn der Glaa ned imma aufhorchd, wal der Heinrich socht hald ah nedd sein Nohma richdich. Richard hasd er nehmlich. Der Oba nennd na mol Ridschi oder ab und an amol Glahner oder Gnirbs. Und do fühld sich der Gunga ned immer ohgschbrochn.