Der Max und sei Hilde hamm letzda Wochn Urlaub in Siidtirol gemachd - wassd scho: awengla Wandern in die Dollomiddn und amds schee Törggelen mit Rodwein, Maroni und Schbeggbrod. Gleich am erschdn Dooch sänn die zwa Hofer in oller Herrgoddsfrieh losmarschierd. Nadirlich blechd im schbeedn Herbsd die Sonna nimmer so haaß vom Himml ro wie im Hochsommer, obber drotzdem iss na Max und der Hilde ban Wandern die Brieh hindn und vorn ro geloffn. Vor alln die Hilde mit ihra 192 Bfund hot bei den dauerndn bergauf und bergab gschwitzd wie a vergifda Aff.