Dann gibd's nix mehr: ka Musigg, ka Bier - aus, Ebfl, Amen! Wie letzdn Mondooch im Bierzelld am "Schießhaisla" der Schlabbndooch zer End woa, sänn aneran Disch nuch siem Mannsbilder k'hoggd, die hattn zwoa vom siffinga Schlabbnbier olla scho kernich ann in der Krona hänga, obber sie hamm immer nuch schdechendn Darschd k'habt. "Ich schlooch vor", hot dessweecher der Bert ols Anfiehrer von derra Blosn gsochd, "dass'mer etzerd den schenn Amd miteran letzdn Schliggla in unnern Schdammlokal driim im Verrdl beschließn". Olla hamm Beifoll gegladdschd.
