Mei Schdammdisch-Bruder Alois, a 62 Johr older Junggsell, woa sei Leem lang a vorsichdicher Mo – wassd scho: gleichzeidich immer Gerrdl und Husndreecher! Und wall’er san Sommerurlaub am libbsdn an der Adria in Bibione oder am Meer in Andalusien oder auf aner griechischn Insl verbrachd hot, iss’er heier scho vor Urlaubsbeginn ins Schwitzn kumma: die Adria warm wie a Bodwanna, in Schbanien 50 Grad im Schaddn, die griechischn Insln brenna wie Zunder – ja Himml-Oasch-und-Zwern, wo soll dä der Alois bei sedda Kaddasdrofn heier nuch Urlaub machn? Er hot sich dann drotz Rhodos fir Griechnland endschiedn, wall auf die griechischn Insln die Breise immer nuch ginsdich sänn.
