In der „Genussregion Franken“ k’heern zer die kulinarischn Heileits net bloß unner guds Bier und die Leggerbissn aus der Bäggerei, sondern aa die Breziosn vom Metzger – jeder einheimischer Gormet mit merra wie 100 Kilo Kerbergewichd wass scho, woss gemaand iss: Blud- und Leberwärschdla, Sulzn und Rindfleischwarschd, roder und weißer Bressagg, Bauernwärschd und Wienerla – und erschd rechd unnera Brodwärschd, die wossn eingdlich von der Unesco scho längsd ols „Welterbe“ ibernumma werrn misserdn! Immerhin iss in unnern „Land der Dichter und Denker“ die Brodwarschd ana von die gressdn Erfindunga. „Die erste urkundliche Erwähnung der Bratwurst findet sich im Jahr 1404 auf einer Rechnung eines Jungfrauenklosters“, haaßd’s im Lexikon. Dessweecher gibd‘s in Deitschland net bloß an „Nationalfeiertag“, sondern jeds Johr am 16. August aa na „Tag der Bratwurst“.
