Der Johann hot in san Leem nie Schdress k’habd. Beruflich hot’er ols „Sortierer für Briefe“ bei der gelbn Bossd a ruicha Kugl gschoom, dahamm iss’er dank seiner Schlauheid jedn Schdreid mit der Oldn ausn Weech ganger, im Fußballverein hot’er selber nie in ana Mannschafd mitgekämbfd, sondern woa 37 Johr lang zweider Kassnrevisor – und wenn’er sich jedn Freidoochamd im Werrdshaus mit drei Rendner zern Schofkobf gedroffn hot, iss’er immer brav vor san Seidla Bier k’hoggd und hot san Gegner – um jeda Aggression zer vermeidn – nie „Kontra“ geem, aa wenn’er selber die Händ vuller Drimbf k’habd hot.